ਨਵੇਂ ਫੁੱਲ
ਨਵੇਂ ਫੁੱਲ ਲਗਾਏ ਕਿਸੇ ਨੇ
ਛੁਪ ਕੇ ਆਣ ਬਗੀਚੇ ਵਿਚ,
ਨਜ਼ਰ ਪਈ ਤਾਂ ਵੇਖਣ ਲੱਗਾ
ਅੰਦਰੋਂ ਪੈਂਦੀ ਜਾਵੇ ਖਿੱਚ।
ਫੁੱਲ ਵੀ ਬੜੇ ਨਿਮਾਣੇ ਨੇ
ਪਾਉਂਦੇ ਕਦੇ ਨਾ ਅੱਗੋਂ ਰੌਲਾ,
ਤਾਂ ਵੀ ਆਪੇ ਖਿੱਚੇ ਆਈਏ
ਆਪੇ ਜਾਈਏ ਰਚ ਤੇ ਮਿਚ।
ਬਾਗ ਦਾ ਬਾਰਾਮਾਹਾ
ਚੇਤ ਨੂੰ ਚੇਤੇ ਕਰ ਬਾਗ ਅਸੀਂ ਲਾਇਆ ਇਕ ਵਿਸਾਖ ਨੂੰ ਸਾਖ ਹਰੀ ਜੇਹੀ ਹੋ ਕੁਝ ਗਈ ਜੇਠ ਦੀ ਠੇਠ ਜਿਹੀ ਤਪਸ਼ ਨੇ ਕਹਿਰ ਕੀਤਾ ਹਾੜ ਦੀ ਆੜ ਚ ਹਸਰਤ ਹੀ ਬੁਝ ਗਈ ਸਾਵਣ ਚ ਸੁੱਕੇ ਖਿੜਾਵਣ ਦਾ ਜਤਨ ਕੀਤਾ ਭਾਦੋਂ ਵਿਸਮਾਦੋਂ ਕੁਝ ਖੁੰਝ ਲੈ ਗਈ ਅੱਸੂ ਵੀ ਦੱਸੂ ਕਿ ਮੇਰਿਆਂ ਤਲਾਬਾਂ ਵਿੱਚੋਂ ਕੱਤਕ ਚ ਬੱਤਕ ਦੀ ਕੋਈ ਚੁੰਝ ਲੈ ਗਈ ਮੱਘਰ ਦੇ ਕੱਕਰ ਨੇ ਫਿਰ ਕੁਝ ਸੇਕ ਦਿੱਤਾ ਪੋਹ ਨੂੰ ਜੋ ਹੋਇਆ ਉਹ ਕਮਾਲ ਸੀ ਮਾਘ ਵਿਚ ਬਾਗ ਖਿੜਨ ਦੀ ਖਬਰ ਆਈ ਫੱਗਣ ਚ ਲੱਗਣ ਲੱਗਾ ਮੁਖ ਤੇ ਜਮਾਲ ਸੀ
Comments
Post a Comment