ਸੁਰਤ, ਤੂੰ ਘਰ ਨੂੰ ਮੁੜ ਕੇ ਆ ਜਾ
ਸੁਰਤ, ਤੂੰ ਘਰ ਨੂੰ ਮੁੜ ਕੇ ਆ ਜਾ
ਸ਼ਾਮ ਹੋ ਗਈ, ਪਰਤ ਵੇ
ਖੰਭ ਲਾ ਲੈ ਕੋਈ ਫੁਰਨਿਆਂ ਦੇ
ਪੈਰ ਯਾਦਾਂ ਦੇ ਵਰਤ ਵੇ
ਥੱਕੇ ਹਾਕਾਂ ਮਾਰ ਮਾਰ ਹਾਂ
ਕਿਹੜੇ ਦੇਸ ਗੁਆਚੀ?
ਖਿਆਲਾਂ ਤੋਂ ਹੁਣ ਕੁਝ ਨਹੀਂ ਹੁੰਦਾ
ਤੂੰ ਕੁਝ ਕਰ ਕੁਦਰਤ ਵੇ
ਸੁਰਤ, ਤੂੰ ਘਰ ਨੂੰ ਮੁੜ ਕੇ ਆ ਜਾ
ਸ਼ਾਮ ਹੋ ਗਈ, ਪਰਤ ਵੇ
ਪੰਛੀ ਨਹੀਂ ਹੁਣ ਅਸਮਾਨਾਂ ਵਿਚ
ਫੁੱਲ ਛੱਡ ਗਏ ਹੁਣ ਧਰਤ ਵੇ
ਮੀਂਹ ਬਗੈਰ ਨਾ ਗੀਤ ਨਾ ਮਹਿਕਾਂ
ਰੁੱਤਾਂ ਹੀ ਗੁੰਮ ਗਈਆਂ
ਅਸਾਂ ਦੇ ਸਾਰੇ ਬੱਦਲ, ਚੰਗਾ
ਹਾਰ ਗਏ ਹੁਣ ਸ਼ਰਤ ਵੇ
ਸੁਰਤ, ਤੂੰ ਘਰ ਨੂੰ ਮੁੜ ਕੇ ਆ ਜਾ
ਸ਼ਾਮ ਹੋ ਗਈ, ਪਰਤ ਵੇ
Comments
Post a Comment