ਤੁਰਦਾ ਜਾਂਦਾ ਮੈਂ
ਗਹਿਰੀ ਰਾਤ,
ਬੱਦਲ ਬਰਾਤ,
ਗਿੱਲੇ ਰੁੱਖ,
ਪਏ ਮਨੁੱਖ,
ਹਿਲਦੇ ਪਤ,
ਉੱਡਦੇ ਖਤ,
ਚਾਨਣ ਵੱਖ,
ਉੱਪਰ ਅੱਖ,
ਝੂਲਦੇ ਡਾਲ,
ਮੱਧਮ ਚਾਲ,
ਹਵਾ ਝੱਟ,
ਅੱਖਰ ਘੱਟ,
ਦੱਸ ਤਾਂ ਤੈਂ,
ਕਿੱਥੇ ਸੈਂ?
ਤੁਰਿਆ ਰਹਿਆ ਮੈਂ!
ਬਾਗ ਦਾ ਬਾਰਾਮਾਹਾ
ਚੇਤ ਨੂੰ ਚੇਤੇ ਕਰ ਬਾਗ ਅਸੀਂ ਲਾਇਆ ਇਕ ਵਿਸਾਖ ਨੂੰ ਸਾਖ ਹਰੀ ਜੇਹੀ ਹੋ ਕੁਝ ਗਈ ਜੇਠ ਦੀ ਠੇਠ ਜਿਹੀ ਤਪਸ਼ ਨੇ ਕਹਿਰ ਕੀਤਾ ਹਾੜ ਦੀ ਆੜ ਚ ਹਸਰਤ ਹੀ ਬੁਝ ਗਈ ਸਾਵਣ ਚ ਸੁੱਕੇ ਖਿੜਾਵਣ ਦਾ ਜਤਨ ਕੀਤਾ ਭਾਦੋਂ ਵਿਸਮਾਦੋਂ ਕੁਝ ਖੁੰਝ ਲੈ ਗਈ ਅੱਸੂ ਵੀ ਦੱਸੂ ਕਿ ਮੇਰਿਆਂ ਤਲਾਬਾਂ ਵਿੱਚੋਂ ਕੱਤਕ ਚ ਬੱਤਕ ਦੀ ਕੋਈ ਚੁੰਝ ਲੈ ਗਈ ਮੱਘਰ ਦੇ ਕੱਕਰ ਨੇ ਫਿਰ ਕੁਝ ਸੇਕ ਦਿੱਤਾ ਪੋਹ ਨੂੰ ਜੋ ਹੋਇਆ ਉਹ ਕਮਾਲ ਸੀ ਮਾਘ ਵਿਚ ਬਾਗ ਖਿੜਨ ਦੀ ਖਬਰ ਆਈ ਫੱਗਣ ਚ ਲੱਗਣ ਲੱਗਾ ਮੁਖ ਤੇ ਜਮਾਲ ਸੀ
Comments
Post a Comment