ਉੱਚੇ ਸੁਰ
ਉਨ੍ਹਾਂ ਦੀ ਗਾਉਂਦਿਆਂ ਦੀ ਇਕ ਪੰਕਤੀ ਚੀਖ ਬਣ ਗਈ
ਆਵਾਜ਼ ਉੱਚੇ ਸੁਰ ਨੂੰ ਛੂਹਣੋਂ ਰਹਿ ਗਈ
ਪਰ ਕੰਨਾਂ ਨੂੰ ਸੁਰੀਲੀ ਲੱਗੀ
ਮਨ ਦੀ ਤਰੰਗ ਦੇ ਨਾਲ ਸੁਰ ਮਿਲ ਗਿਆ
ਧੜਕਣ ਦੇ ਨਾਲ ਤਾਲ ਮਿਲ ਗਈ
ਦਿਲ ਦੀ ਹੂਕ ਦਿਲ ਤੱਕ ਪਹੁੰਚ ਗਈ
ਤੇ ਅਨੰਦ ਬੱਝ ਗਿਆ
ਤੇ ਅਨੰਦ ਬੱਝ ਗਿਆ...
ਬਾਗ ਦਾ ਬਾਰਾਮਾਹਾ
ਚੇਤ ਨੂੰ ਚੇਤੇ ਕਰ ਬਾਗ ਅਸੀਂ ਲਾਇਆ ਇਕ ਵਿਸਾਖ ਨੂੰ ਸਾਖ ਹਰੀ ਜੇਹੀ ਹੋ ਕੁਝ ਗਈ ਜੇਠ ਦੀ ਠੇਠ ਜਿਹੀ ਤਪਸ਼ ਨੇ ਕਹਿਰ ਕੀਤਾ ਹਾੜ ਦੀ ਆੜ ਚ ਹਸਰਤ ਹੀ ਬੁਝ ਗਈ ਸਾਵਣ ਚ ਸੁੱਕੇ ਖਿੜਾਵਣ ਦਾ ਜਤਨ ਕੀਤਾ ਭਾਦੋਂ ਵਿਸਮਾਦੋਂ ਕੁਝ ਖੁੰਝ ਲੈ ਗਈ ਅੱਸੂ ਵੀ ਦੱਸੂ ਕਿ ਮੇਰਿਆਂ ਤਲਾਬਾਂ ਵਿੱਚੋਂ ਕੱਤਕ ਚ ਬੱਤਕ ਦੀ ਕੋਈ ਚੁੰਝ ਲੈ ਗਈ ਮੱਘਰ ਦੇ ਕੱਕਰ ਨੇ ਫਿਰ ਕੁਝ ਸੇਕ ਦਿੱਤਾ ਪੋਹ ਨੂੰ ਜੋ ਹੋਇਆ ਉਹ ਕਮਾਲ ਸੀ ਮਾਘ ਵਿਚ ਬਾਗ ਖਿੜਨ ਦੀ ਖਬਰ ਆਈ ਫੱਗਣ ਚ ਲੱਗਣ ਲੱਗਾ ਮੁਖ ਤੇ ਜਮਾਲ ਸੀ
Comments
Post a Comment