ਪਛਾਣ ਲਵੋ
ਪਛਾਣ ਲਵੋ ਕਦੇ ਤੁਸੀਂ:
ਸੂਰਜ ਨੂੰ ਰੋਸ਼ਨੀ ਤੋਂ
ਫੁੱਲਾਂ ਨੂੰ ਮਹਿਕਣ ਤੋਂ
ਬੱਦਲਾਂ ਨੂੰ ਕਣੀਆਂ ਤੋਂ
ਚਿੜੀਆਂ ਨੂੰ ਚਹਿਕਣ ਤੋਂ
ਸਾਗਰ ਨੂੰ ਲਹਿਰਾਂ ਤੋਂ
ਪਿਆਰੇ ਨੂੰ ਪਾਸੇ ਤੋਂ
ਕਰਤੇ ਨੂੰ ਕੁਦਰਤ ਤੋਂ
ਤੇ ਅਸਾਂ ਨੂੰ ਹਾਸੇ ਤੋਂ
ਬਾਗ ਦਾ ਬਾਰਾਮਾਹਾ
ਚੇਤ ਨੂੰ ਚੇਤੇ ਕਰ ਬਾਗ ਅਸੀਂ ਲਾਇਆ ਇਕ ਵਿਸਾਖ ਨੂੰ ਸਾਖ ਹਰੀ ਜੇਹੀ ਹੋ ਕੁਝ ਗਈ ਜੇਠ ਦੀ ਠੇਠ ਜਿਹੀ ਤਪਸ਼ ਨੇ ਕਹਿਰ ਕੀਤਾ ਹਾੜ ਦੀ ਆੜ ਚ ਹਸਰਤ ਹੀ ਬੁਝ ਗਈ ਸਾਵਣ ਚ ਸੁੱਕੇ ਖਿੜਾਵਣ ਦਾ ਜਤਨ ਕੀਤਾ ਭਾਦੋਂ ਵਿਸਮਾਦੋਂ ਕੁਝ ਖੁੰਝ ਲੈ ਗਈ ਅੱਸੂ ਵੀ ਦੱਸੂ ਕਿ ਮੇਰਿਆਂ ਤਲਾਬਾਂ ਵਿੱਚੋਂ ਕੱਤਕ ਚ ਬੱਤਕ ਦੀ ਕੋਈ ਚੁੰਝ ਲੈ ਗਈ ਮੱਘਰ ਦੇ ਕੱਕਰ ਨੇ ਫਿਰ ਕੁਝ ਸੇਕ ਦਿੱਤਾ ਪੋਹ ਨੂੰ ਜੋ ਹੋਇਆ ਉਹ ਕਮਾਲ ਸੀ ਮਾਘ ਵਿਚ ਬਾਗ ਖਿੜਨ ਦੀ ਖਬਰ ਆਈ ਫੱਗਣ ਚ ਲੱਗਣ ਲੱਗਾ ਮੁਖ ਤੇ ਜਮਾਲ ਸੀ
Comments
Post a Comment