ਰਿਦੇ ਗਰੀਬੀ
ਉਹ ਬੜਾ ਅਮੀਰ ਸੀ
ਮੈਂ ਉਸ ਵਿਚ ਕੋਈ ਕਮੀ ਲੱਭਦਾ ਰਿਹਾ
ਬੜੀ ਕੋਸ਼ਿਸ਼ ਕੀਤੀ
ਆਖਰ ਲੱਭ ਹੀ ਗਈ!
ਕਿਸੇ ਤੋਂ ਪਤਾ ਲੱਗਿਆ
ਕਿ ਉਸਦੇ ਹਿਰਦੇ ਗਰੀਬੀ ਹੈ
ਬੜੀ ਦੇਰ ਬਾਅਦ ਸਮਝ ਆਈ
ਕਿ ਰਿਦੇ ਗਰੀਬੀ ਤਾਂ
ਇਕ ਅਮੀਰੀ ਹੀ ਹੈ।
ਬਾਗ ਦਾ ਬਾਰਾਮਾਹਾ
ਚੇਤ ਨੂੰ ਚੇਤੇ ਕਰ ਬਾਗ ਅਸੀਂ ਲਾਇਆ ਇਕ ਵਿਸਾਖ ਨੂੰ ਸਾਖ ਹਰੀ ਜੇਹੀ ਹੋ ਕੁਝ ਗਈ ਜੇਠ ਦੀ ਠੇਠ ਜਿਹੀ ਤਪਸ਼ ਨੇ ਕਹਿਰ ਕੀਤਾ ਹਾੜ ਦੀ ਆੜ ਚ ਹਸਰਤ ਹੀ ਬੁਝ ਗਈ ਸਾਵਣ ਚ ਸੁੱਕੇ ਖਿੜਾਵਣ ਦਾ ਜਤਨ ਕੀਤਾ ਭਾਦੋਂ ਵਿਸਮਾਦੋਂ ਕੁਝ ਖੁੰਝ ਲੈ ਗਈ ਅੱਸੂ ਵੀ ਦੱਸੂ ਕਿ ਮੇਰਿਆਂ ਤਲਾਬਾਂ ਵਿੱਚੋਂ ਕੱਤਕ ਚ ਬੱਤਕ ਦੀ ਕੋਈ ਚੁੰਝ ਲੈ ਗਈ ਮੱਘਰ ਦੇ ਕੱਕਰ ਨੇ ਫਿਰ ਕੁਝ ਸੇਕ ਦਿੱਤਾ ਪੋਹ ਨੂੰ ਜੋ ਹੋਇਆ ਉਹ ਕਮਾਲ ਸੀ ਮਾਘ ਵਿਚ ਬਾਗ ਖਿੜਨ ਦੀ ਖਬਰ ਆਈ ਫੱਗਣ ਚ ਲੱਗਣ ਲੱਗਾ ਮੁਖ ਤੇ ਜਮਾਲ ਸੀ
Comments
Post a Comment