ਕੁਦਰਤ ਪੜ੍ਹੀਏ
ਕੁਦਰਤ ਪੜ੍ਹੀਏ
ਕਿਤਾਬਾਂ ਪੜ੍ਹੀਏ
ਚੜ੍ਹ ਕੇ ਆਉਂਦੇ
ਸੈਲਾਬਾਂ ਪੜ੍ਹੀਏ
ਖਿੜਦੇ ਹੋਏ
ਗੁਲਾਬਾਂ ਪੜ੍ਹੀਏ
ਛੁਪ ਗਏ
ਮਹਿਤਾਬਾਂ ਪੜ੍ਹੀਏ
ਸਤਲੁਜ ਪੜ੍ਹੀਏ
ਚਨਾਬਾਂ ਪੜ੍ਹੀਏ
ਵੰਡੇ ਗਏ
ਪੰਜਾਬਾਂ ਪੜ੍ਹੀਏ
ਕਿਸੇ ਦੀ ਅੱਖ ਦੇ
ਖਾਬਾਂ ਪੜ੍ਹੀਏ
ਨਾਨਕ ਦੀਆਂ
ਰਬਾਬਾਂ ਪੜ੍ਹੀਏ
ਬਾਗ ਦਾ ਬਾਰਾਮਾਹਾ
ਚੇਤ ਨੂੰ ਚੇਤੇ ਕਰ ਬਾਗ ਅਸੀਂ ਲਾਇਆ ਇਕ ਵਿਸਾਖ ਨੂੰ ਸਾਖ ਹਰੀ ਜੇਹੀ ਹੋ ਕੁਝ ਗਈ ਜੇਠ ਦੀ ਠੇਠ ਜਿਹੀ ਤਪਸ਼ ਨੇ ਕਹਿਰ ਕੀਤਾ ਹਾੜ ਦੀ ਆੜ ਚ ਹਸਰਤ ਹੀ ਬੁਝ ਗਈ ਸਾਵਣ ਚ ਸੁੱਕੇ ਖਿੜਾਵਣ ਦਾ ਜਤਨ ਕੀਤਾ ਭਾਦੋਂ ਵਿਸਮਾਦੋਂ ਕੁਝ ਖੁੰਝ ਲੈ ਗਈ ਅੱਸੂ ਵੀ ਦੱਸੂ ਕਿ ਮੇਰਿਆਂ ਤਲਾਬਾਂ ਵਿੱਚੋਂ ਕੱਤਕ ਚ ਬੱਤਕ ਦੀ ਕੋਈ ਚੁੰਝ ਲੈ ਗਈ ਮੱਘਰ ਦੇ ਕੱਕਰ ਨੇ ਫਿਰ ਕੁਝ ਸੇਕ ਦਿੱਤਾ ਪੋਹ ਨੂੰ ਜੋ ਹੋਇਆ ਉਹ ਕਮਾਲ ਸੀ ਮਾਘ ਵਿਚ ਬਾਗ ਖਿੜਨ ਦੀ ਖਬਰ ਆਈ ਫੱਗਣ ਚ ਲੱਗਣ ਲੱਗਾ ਮੁਖ ਤੇ ਜਮਾਲ ਸੀ
Comments
Post a Comment