ਬੋਲੋ ਪਿਆਰੇ
ਨਰਮ ਹਵਾਵਾਂ
ਮਿੱਠੀਆਂ ਧੁੱਪਾਂ
ਬੋਲੋ ਪਿਆਰੇ
ਤੋੜੋ ਚੁੱਪਾਂ
ਕਾਵਾਂ ਚਿੜੀਆਂ
ਗਾਉਂਦੇ ਸੱਭੇ
ਤੁਸੀਂ ਦੱਸੋ
ਬੁੱਲ੍ਹ ਕਿਉਂ ਦੱਬੇ
ਰੁੱਤ ਬਹਾਰੇ
ਖਿੜੀ ਬਗੀਚੀ
ਤੁਸਾਂ ਲੇਕਿਨ
ਅੱਖ ਕਿਉਂ ਮੀਚੀ
ਅੰਦਰ ਬਾਹਰ
ਇਕ ਪਛਾਣੋ
ਮਨ ਨੂੰ ਖੋਲੋ
ਕੁਦਰਤ ਮਾਣੋ
ਬਾਗ ਦਾ ਬਾਰਾਮਾਹਾ
ਚੇਤ ਨੂੰ ਚੇਤੇ ਕਰ ਬਾਗ ਅਸੀਂ ਲਾਇਆ ਇਕ ਵਿਸਾਖ ਨੂੰ ਸਾਖ ਹਰੀ ਜੇਹੀ ਹੋ ਕੁਝ ਗਈ ਜੇਠ ਦੀ ਠੇਠ ਜਿਹੀ ਤਪਸ਼ ਨੇ ਕਹਿਰ ਕੀਤਾ ਹਾੜ ਦੀ ਆੜ ਚ ਹਸਰਤ ਹੀ ਬੁਝ ਗਈ ਸਾਵਣ ਚ ਸੁੱਕੇ ਖਿੜਾਵਣ ਦਾ ਜਤਨ ਕੀਤਾ ਭਾਦੋਂ ਵਿਸਮਾਦੋਂ ਕੁਝ ਖੁੰਝ ਲੈ ਗਈ ਅੱਸੂ ਵੀ ਦੱਸੂ ਕਿ ਮੇਰਿਆਂ ਤਲਾਬਾਂ ਵਿੱਚੋਂ ਕੱਤਕ ਚ ਬੱਤਕ ਦੀ ਕੋਈ ਚੁੰਝ ਲੈ ਗਈ ਮੱਘਰ ਦੇ ਕੱਕਰ ਨੇ ਫਿਰ ਕੁਝ ਸੇਕ ਦਿੱਤਾ ਪੋਹ ਨੂੰ ਜੋ ਹੋਇਆ ਉਹ ਕਮਾਲ ਸੀ ਮਾਘ ਵਿਚ ਬਾਗ ਖਿੜਨ ਦੀ ਖਬਰ ਆਈ ਫੱਗਣ ਚ ਲੱਗਣ ਲੱਗਾ ਮੁਖ ਤੇ ਜਮਾਲ ਸੀ
Comments
Post a Comment